A čija to chyža
| Údaje o texte | |
|---|---|
| Titulok | A čija to chyža |
| Autor | neznámy |
| Zdroj | ľudová pieseň |
| Licencia |  PD SK
|
A čija to chyža, stojit na dolini,
či je to divčatko šyje na mašyni,
či je to divčatko šyje na mašyni.
Mašyna čerkoče a divčatko plače,
vernij sja mi vernij, mij milyj kozače,
vernij sja mi vernij, mij milyj kozače.
Nevernus nevernus, bo nemam ku komu,
zochabyv ja divča a sam neznam komu,
zochabyv ja divča a sam neznam komu.
Jak my sja ľubili suchy verby cvili,
jak my perestali zeleny zivjali,
jak my perestali zeleny zivjali.
Jak my sja ľubili, rybko moja rybko,
teper sja na tebe posmotryti brytko,
teper sja na tebe posmotryti brytko.
A čija to chyža, stojit na dolini,
či je to divčatko šyje na mašyni,
či je to divčatko šyje na mašyni.
A ja tebe ľubyl, ta budu ľubyty,
vernu sa ku Tobi, kid budeš prosyty,
vernu sa ku Tobi, kid budeš prosyty.
Ne budu prosyty, durňom treba byty,
tu mam vecej chlopciv, budut ňja ľubyty,
tu mam vecej chlopciv, budut ňja ľubyty.